काठमाडौं । नेपालमा पछिल्लो २४ घण्टामा २ सय ७३ जना थप कोरोना संक्रमित भेटिएका छन् । स्वास्थ्य तथा जनसंख्या मन्त्रालयले यसको पुष्टी गरेको छ । देशभरका विभिन्न प्रयोगशालामा गरिएका परीक्षणबाट ती व्यक्तिमा कोरोना भेटिएका हो । अब नेपालमा कुल संक्रमितको ५ हजार ३३५ पुगेको छ। थपिएका कोरोना संक्रमित मध्ये २४७ जना पुरुष र ३६ जना महिला रहेका छन् ।

स्वास्थ्य तथा जनसंख्या मन्त्रालयका प्रवक्ता डा. जागेश्वर गौतमका अनुसार कोरोना संक्रमणका कारण नेपालमा मृत्यु हुनेको संख्या १८ पुगेको छ। डिस्चार्ज हुनेको संख्या ९१३ पुगेको छ। नेपालमा कोरोनाबाट निको भएका व्यक्तिको संख्या ९१३ जना पुगेका छन् ।

शनिबारसम्म नेपालमा १ लाख २७ हजार २ सय ८८ जनाको पिसिआर विधिबाट परीक्षण गरिएको छ । १ लाख ५० हजार ५ सय ५० जनालाई क्वारेन्टिनमा रहेको समेत मन्त्रालयल जनाएको छ । मन्त्तालयका अनुसार शनिबारसम्म ७२ जिल्लामा कोरोना संक्रमण फैलिसकेको छ । अब मात्र ४ जिल्ला मात्र कोरोनाबाट सुरक्षित छन् ।