नेपालमा थप ४५१ जनामा कोरोना भाइरसको संक्रमण, संक्रमितको संख्या ६२११
Vishwanews.com
15 June, 2020
7k shares
काठमाडौं। नेपालमा पछिल्लो २४ घण्टामा ४ सय ५१ जनामा कोरोना भाइरस संक्रमण पुष्टि भएको छ ।
स्वास्थ्य तथा जनसंख्या मन्त्रालयका प्रवक्ता डा. जागेश्वर गौतमको अनुसार देशका विभिन्न प्रयोगशालामा गरिएको परीक्षणमा थप ४ सय ५१ जनामा कोरोना संक्रमण पुष्टि भएको हो । यो सँगै संक्रमितको संख्या ६ हजार २ सय ११ पुगेको छ ।
पछिल्लो २४ घण्टामा सोमबार ६७ जना डिस्चार्ज भएका छन् । जसमध्ये ७ जना महिला ६० जना पुरुष रहेका छन् । यो सहित डिस्चार्ज हुनेको संख्या १ हजार ४१ पुगेको छ। जसमध्ये पुरुष ९ सय ३७ र महिला १ सय ७ जना छन्।
