मेलबर्न

दक्षिणपूर्वी अष्ट्रेलियाको भिक्टोरियामा  अकस्मात कोरोना संक्रमितको संख्या बढन थाले पछि त्यस राज्यका ६ वटा परिषद क्षेत्रलाई खतराको सुचीमा राखेर आवत जावतमा कडाई गर्न थालिएको छ । कोरोना संक्रमित बढेका ती ६ वटा क्षेत्र हुमे क्यासी, ब्रिमब्यांक, मोरल्याण्ड, कार्डिनिया र डरिबिन सबै मेलबर्न सहर भित्र छन् । अधिकारिहरुले ती ६ वटा परिषद क्षेत्रबाट टाढै रहन सुचित गरेका छन् । अष्ट्रेलियास्थित मुख्य स्वास्थ निकाय एस्ट्रेलियन हेल्थ प्रोटेक्सन प्रिन्सिपल कमिटीले आईतबार एक सुचना प्रकाशित गर्दै भनेको छ; “संक्रमण नियन्त्रणमा नआएसम्म उक्त क्षेत्रमा भ्रमण गर्नु सुरक्षित छैन ।  यो अति सम्बेदनसिल छ तर हामी यो संक्रमणलाई नियन्त्रणमा लिन्छौ” ।

कमिटीका अनुसार गत हप्ता भिक्टोरियामा देखिएको १ सय १६ संक्रमित मध्ये ८७ जनामा संक्रमण समुदाय भित्रबाटै भएको थियो । शनिबार भिक्टोरियामा २५ वटा नयाँ संक्रमित देखिएपछि त्यस राज्यका  प्रिमियर (प्रमुख) डेनियल माईकल एन्ड्रु माथि राज्य भित्रको आवत जावतमा कडाई गर्न दबाब परेको थियो । राज्य प्रमुख एन्ड्रुले कडाईका साथ घर भित्र बस्न्न निर्देशन गर्दै भनेका छन्; “साथी तथा परिवार भेट्न् नजाउ, छुट्टी मनाउन नजाउ, काममा पनि नजाउ, घरै बस”।  भिक्टोरियामा बस्टेट अफ ईमर्जेन्सी’ लाई लम्ब्याएर जुलाई २० सम्म पुर्याइएको छ ।