काठमाडौं

बिगत ३ दशकदेखि नेपाली गीत – संगीतमा समर्पित गायक सुरज कुमार थापाको नयाँ म्युजिक भिडियो युट्युब मार्फत सार्वजनिक भएको छ । ‘चिनारी’ एल्बममा समाबिष्ट गीत “हामी कमजोर हैनौ केले यो हाल गरायो?
यो शान्तिको फूलबारी आँधी कताबाट आयो ?” का रचना तथा संगीत कम्पोज विश्वनाथ प्रेम ‘बराल’ ले गरेका हुन् भने संगीत एरेन्जमेण्ट नोर्बु छिरिङ्ले गरेका छन् ।

बिसं २०५० सालदेखि नेपाली संगीताकाशका नक्षत्र श्रद्धेय अम्बर गुरुङ्सँग औपचारिक संगीत सिकेर स्वर परिक्षा उतिर्ण गरी नेपाली संगीतमा होम्मिएका गायक सुरजकुमार थापाका कयौं दर्जन गीतहरु मध्ये पूर्णरुपमा देशप्रेमले ओतप्रोत भएको यो पहिलो गीत हो ।

शालिन व्यक्तित्वका धनी एवम् उत्कृष्ट किबोर्ड बादक गायक थापाले कयौं नेपाली संगीत पुरस्कारहरु पनि पाइसकेको छ ।