कोरोनाको महामारी छ । भाईरस सर्ने हो कि भन्ने त्रास छ । जति बेला पनि हात धुन सम्भव छैन । ह्याण्ड सेनिटाईजर बोकेर हिंड्नु पर्दछ तर त्यही सेनिटाईजर पनि गुणस्तर हिन भयो भने सेनिटाईजर बोकेको फलदायी हुँदैन । त्यसैले सेनिटाईजरको गुणस्तर बिचार  गरेर मात्र प्रयोग गर्दा उदेश्य पुरा हुने गर्दछ ।  अमेरिकास्थित उपभोग्य सामग्रीको जाँच तथा  गुणस्तर नियन्त्रणका लागि काम गर्ने फुड एन्ड ड्रग एड्मिनिस्ट्रेसनले अहिले बजारमा छ्याप छ्याप्ती भेटिने ९ प्रकारका सेनिटाईजरलाई बन्देज लगाएको छ । एफडिएले ‘ईस्कबायोकेम एसए’ द्वारा उत्पादित ९ प्रकारको सेनिटाईजरमा सम्भाबित बिषाक्त रसायन भेटिएका कारण रोक लगाएको हो । एफडिएले यो कम्पनीले उत्पादन गरेको सेनिटाईजरमा मेथानोल  भेटिएको र मेथानोल छालामा सोसिंदा र शरीर भित्र प्रबेश गर्दा घातक हुने भनेर बन्द गरेको हो । बिभिन्न नामका सेनिटाईजर   उत्पादन गर्ने ईस्कबायोकेम म्याक्सिकन कम्पनी हो ।

एफडिएले निम्न सेनिटाईजरलाई बन्देज गरेको छ :

– अल क्लिन ह्याण्ड सेनिटाईजर   

– ईस्कबायोकेम ह्याण्ड सेनिटाईजर   

– क्लिन केयर नो जर्म एड्भान्स ह्याण्ड सेनिटाईजर  ७५% अल्कोहल ( एन डि सि : ७४५८९ -००८-००४ ) 

– लाभर ७० जेल ह्याण्ड सेनिटाईजर    

– द गूड जेल एन्टी ब्याक्टेरियल जेल ह्याण्ड सेनिटाईजर    

– क्लिन केयर नो जर्म एड्भान्स ह्याण्ड सेनिटाईजर ८०% अल्कोहल

(एनडिसि : ७४५८९ – ००५ -००३)   

– क्लिन केयर नो जर्म एड्भान्स ह्याण्ड सेनिटाईजर  ७५% अल्कोहल 

(एन डि सि : ७४५८९ -००९ -०१) 

– क्लिन केयर नो जर्म एड्भान्स ह्याण्ड सेनिटाईजर ८०% अल्कोहल 

(एनडिसि : ७४५८९ – ००३-००१) 

– सानी ड्रम एड्भान्स ह्याण्ड सेनिटाईजर  

शरीरमा धेरै मात्रामा मेथानोलको संसर्ग भयो भने रिङ्गटा लाग्ने, वाकवाकी लाग्ने, टाउको दुख्ने, आँखा धमिलो देखिने, अन्धो हुने, बेहोस हुने, कोमामा जाने, स्नायु प्रणालीलाई स्थाईरुपमा असर पुर्याउने गर्दछ । एफडिएले ती सेनिटाईजरको प्रयोग गरेको छ भने पनि तत्काल जाँच गराउन भनेको छ । एफडिएले गत जुन १७ तारिखमा नै ती सेनिटाईजरको बिक्री बितरणमा रोक लगाएकोले तत्काल ती सेनिटाईजरको प्रयोग बन्द गर्दै सुरक्षित ठाउँमा फ्याक्न भनेको छ ।  

समाचार श्रोत : सिएनएन