काठमाडौं । सरकारले लकडाउनको अवधि थप गरेको छ । लकडाउन केही खुकुलो भने भएको छ । अहिलेको लकडाउनको अवधि २१ असारसम्मको थियो । यो लकडाउनलाई सरकारले ७ साउनसम्म लम्ब्याउने निर्णय गरेको हो । सोमबार बसेको मन्त्रिपरिषद बैठकले यस्तो निर्णय गरेको हो । स्रोतका अनुसार अहिलेकै अवस्थाको लकडाउन साउन ७ सम्म जारी रहनेछ ।

यसअवधिमा हवाई तथा सार्वजनिक यातायात, विद्यालय र सार्वजनिक स्थलहरु बन्द रहनेछन् । अन्य क्षेत्र भने सरकारले यसअघि नै खुकुलो बनाएको थियो । अहिलेको लकडाउनलाई स्वरुप फेरबदल नगरी साउन ७ सम्म लम्ब्याउने निर्णय भएको बताइएको छ । अहिले देशभर कोरोना संक्रमण तिब्र गतिमा बढिरहेको छ ।

सरकारले कोरोना फैलिन नदिन सामाजिक दुरी र स्वास्थ्यसम्बन्धी सतर्कता भने कडाईका साथ पालना गर्न आह्वान गरेको छ । बढी प्रभावित भएको क्षेत्रमा भन कडा लकडाउन हुनेछ । यो अधिकार तल्लो सरकालाक्ष्ई दिइसकेको छ । अहिले शहर बजारमा पसल खुलेका छन् । निजी सवारी साधन जोर विजोर प्रणालीमा चलिरहेका छन्। यो भने जारी नै रहनेछ ।