गुल्मी । पहाडी जिल्ला गुल्मीमा पहिरोले क्षति पुर्याउन थालेको छ । लगातार वर्षाछि गुल्मीको इश्मा गाउँपालिका–१ मल्दी ढाँटफाँट भन्ने स्थानमा पहिरोले घर बगाउँदा दुई जना वेपत्ता भएका छन् । पहिरोमा परेका दुई जनाको उद्धार भएको छ ।

एक जना महिला र एक जना पुरुष वेपत्ता रहेको स्थानीय प्रशासनले जानकारी गराएको छ । एकजना महिला र एकजना पुरुषको भने उद्धार गरिएको हो । गुल्मीमा गएरातदेखि अविरल वर्षा भएको थियो । यस स्थानमा मात्र १५–२० घर जोखिममा रहेको बताइएको छ ।

घटनास्थलमा प्रहरी तथा सैनिक टोली पुगेका छन् । गुल्मीमा पहिरोले अन्य विभिन्न स्थानमा पनि क्षति पुर्याएको र त्यसको विवरण आउने क्रममा रहेको बताइएको छ । स्थानीय कच्चि सडकमा समेत यातायात बन्द भएको छ ।