26-Sep-2020 | [nepali_today_date]

उत्तर कोरियाको खाद्य संकट टार्न दक्षिण कोरियाको सहयोग

June 21, 2019 ०   बिचार / प्रतिक्रिया


दुई कोरियाबीच सम्बन्ध सुधार हुँदै गएको समयमा दक्षिण कोरियाली उत्तर कोरियालाई खाद्यन्न सहयोग गर्ने भएको छ ।

खडेरीको मारमा परेर खाद्यान्न उत्पादनमा कमी आएसँगै अहिले उत्तर कोरियामा मानवीय सहयोगको खाँचो छ । तर, विभिन्न देशले यहाँ आर्थिक नाकाबन्दी लगाएका कारण खाद्यान्न संकट गहिरिदै गएको हो ।

बीबीसीका अनुसार दक्षिण कोरियाले उत्तर कोरीयालाई ५० हजार टन चामल दिने बताएको छ ।

संयुक्त राष्ट्र सङ्घको विश्व खाद्य कार्यक्रमले मानवीय राहत प्रदान गर्ने यस प्रक्रियामा सहयोग र सहजिकरण गर्ने छ ।

यसअघि सन् २०१० मा दक्षिण कोरियाले उत्तरलाई मानवीय सहयोग पुर्याएको थियो । पछिल्लो समय दुई कोरियाबीचको सम्बन्धमा सुधार आएसँगै दक्षिणले उत्तर कोरियामाथि सहयोग बढाएको छ ।

महिला र बालबालिकाको पोषक तथा खाद्य सुविधामा खर्च गर्ने गरी दक्षिणले ८० लाख डलर प्रदान गरिसकेको छ ।

विश्व खाद्य कार्यक्रमका अनुसार यो वर्ष उत्तर कोरियामा खाद्य संकट गहिरिएको छ । खडेरीका कारण पछिल्ला ३७ वर्षमा सबैभन्दा कम खाद्यान्न उत्पादन भएको छ ।
एजेन्सी

Loading...

फेसबुकबाट तपाईको प्रतिक्रिया

सम्बन्धित समाचार