नयाँ दिल्ली । नेपालको छिमेकी मुलुक भारत कोरोना भाइरसबाट धेरै प्रभावित विश्वमै तेस्रो स्थानमा आएको छ । भारतले रुसलाई उछिनेको हो । पछिल्लो २४ घण्टामा भारतमा करीव २४ हजार नयाँ संक्रमित थपिए । यससँगै भारतले रुसलाई उछिन्न सफल भएको हो । अब भारतमा कुल संक्रमित ६ लाख ९७ हजार पुगेको भारतीय स्वास्थ्य मन्त्रालउले जनाएको छ । रुसमा भने ६ लाख ८१ हजार संक्रमित रहेका छन् ।

विश्वभर सबैभन्दा बढी प्रभावित अमेरिका हो । यस मुलुकमा २९ लाख ८१ हजार संक्रमित पुगेका छन् । ब्राजिलमा १६ लाख संक्रमित रहेको तथ्यांक छ । अमेरिकामा पछिल्लो २४ घण्टामा ४२ हजार ६ सय संक्रमित थपिए । यस मुलुकले २४ घण्टामा २३४ जना नागरिकलाई गुमाएको छ ।

ब्राजिलमा २६ हजार २ सय संक्रमित थपिए । यहाँ ५३५ जनाको मृत्यु भएको तथ्यांक छ । भारतमा २४ घण्टा भित्र ४२१ र रुसमा १३४ जनाको ज्यान गएको तथ्यांक छ । पछिल्लो २४ घण्टामा विश्वभर १ लाख ७१ हजार संक्रमित थपिए । यसअविधमा ३ हजार ५ सयको मृत्यु भयो ।

अब संसारभर संक्रमितको संख्या १ करोड १५ लाख पुगेको छ। मृतकको संख्या ५ लाख ३६ हजार पुगेको छ ।६५ मानिसले यो रोगलाई जित्न सफल भएका छन् ।