काठमाडौं । नेपालमा सुनको मूल्यले कीर्तिमान कायम गरेको छ । नेपालको इतिहासमै शुक्रबार छापावाल सुनको मूल्य सबैभन्दा धेरै पुग्यो ।
नेपाल सुनचाँदी व्यवसायी महासंघका अनुसार शुक्रबारका लागि छापावाल सुनको मूल्य प्रतितोला ६५ हजार रुपैयाँ कायम भएको छ । बिहीबार प्रतितोला ६४ हजार रुपैयाँमा सुन किनबेच भएको थियो ।
प्रतिदिन प्रतितोला १ हजार रुपैयाँका दरले सुनको मूल्य वृद्धि भइरहेको छ । सुनले प्रतिदिन रेकर्ड कायम गर्न थालेपछि बजारमा सुन बिक्रि भने करीव ठप्प भएको महासंघको भनाई छ ।
बजेटले १ हजार कर थपेसँगै प्रतितोला ५९ हजार रुपैयाँमा कारोबार भइरहेको सुनको मूल्य ६० हजार पुगेको थियो । त्यसपछि भने सुनको भाउ निरन्तर उकालो लागिरहेको छ ।
