10-Aug-2020 | २६ श्रावण २०७७, सोमबार

लम्जुङमा पहिरो : एकै घरका तीन जनाको मृत्यु

२६ असार २०७७, शुक्रबार ०   बिचार / प्रतिक्रिया

प्रतिकात्मक तस्वीर

लम्जुङ । नेपालमा मनसुनका कारण लगातार आएको वर्षाका कारण देशभर बाढ तथा पहिरो आउने क्रम जारी रहेको छ । यसैक्रममा लम्जुङको बेसिशहर नगरपालिका वडा नम्बर ७ सातबिसेमा पहिरोले घर पुरिँदा एकै परिवारका तीन जनाको मृत्यु भएको छ । अन्य चार जना सामान्य घाइते भएका छन् । गतराती करिब ११ बजे ढुंगासहितको पहिरोले घर पुरिँदा दीपक तामाङ, उनकी श्रीमती र छोराको मृत्यु भएको प्रहरीले जानकारी दिएको छ ।

जिल्ला प्रहरी कार्यालय लम्जुङका अनुसार पहिरोमा पुरिएको अवस्थामा उनीहरुलाई उद्धार गरेर अस्पताल लैजाँदै गर्दा बाटोमै मृत्यु भएको थियो । दीपककी आमा, बुवा र छोरी भने आफन्तको घरमा गएकाले सकुशल छन् ।

गएराति नै लम्जुङको क्व्होलासोथार गाउँपालिका वडा नम्बर ३ का तुलबहादुर गुरुङको घर पहिरोमा पुरिँदा तुलबहादुरकी बुहारी र एक जना बच्चा घाइते भएका थिए । यसअघि बिहीबार सिन्धुपाल्चोक पहिरोमा वेपत्ता भएका १९ जनाको अझै कुनै अत्तोपत्तो लागेको छैन ।

Loading...

फेसबुकबाट तपाईको प्रतिक्रिया

सम्बन्धित समाचार