23-Nov-2019 | ७ मंसिर २०७६, शनिबार

नेपाल र बंगलादेशबीच विद्युत पूर्वाधार निर्माणमा समझदारी

७ असार २०७६, शनिबार ०   बिचार / प्रतिक्रिया


काठमाडौं । नेपाल र बंगलादेश विद्युत उत्पादन र विक्री वितरण गर्न पूर्वाधार निर्माणसम्बन्धी महत्वपूर्ण सम्झौता भएको छ ।

बंगलादेशको ढाकामा शुक्रबार सम्पन्न नेपाल(बंगलादेश संयुक्त ऊर्जा संयन्त्रको बैठकमा दुई देशबीचको सहमति जुटेको हो ।

सहमति अनुसार नेपालको जलविद्युत आयोजनामा बंगलादेश लगानी गर्न इच्छुक देखिएको छ । बंगलादेशले नेपाली जलविद्युत कम्पनीमा लगानी गरी बंगलादेशसम्म विद्युत निर्यात गर्ने गरी सहमति गरेको छ ।

साथै, दुबै देशबीच वैकल्पिक ऊर्जामा समेत सहकार्य गर्ने सहमति भएको उर्जा मन्त्रालयले जनकारी दिएको छ ।

ऊर्जा, जलस्रोत तथा सिंचाइ मन्त्रालयका सचिव दिनेश घिमिरे र बंगलादेशका समकक्षीबीच सहमतिपत्रमा हस्ताक्षर भएको छ ।

अब नेपालबाट भारत हुँदै बंगलादेशसम्म प्रशारणलाइन निर्माणको बाटो यस सहमतिले खोलेको छ । दुबै देश यस परियोजनाको तयारीमा लाग्न समेत सहमति भएका छन् ।

तत्कालका लागि भारतकै संरचना उपयोग गरेर नेपालले बिक्रि गर्न सक्ने बिजुली बंगलादेश लैजाने र क्रमशः पूर्वाधार निर्माणमा जाने सहमति पनि दुई देशले गरेका छन् ।

आगामी डेढ दशकभित्र करीव १५ हजार मेगावाट जलविद्युत उत्पादन गरी देशलाई समुन्नत बनाउने लक्ष्य राखेको सरकारी सोही सिलसिलामा विद्युतका लागि लगानी र बजार खोज्न थालेको हो ।

Loading...

फेसबुकबाट तपाईको प्रतिक्रिया

सम्बन्धित समाचार