Epapers :

21-Sep-2019 | ४ आश्विन २०७६, शनिबार

उडिरहेको जहाजमा निदाउँदा यस्तो अचम्म भयो

८ असार २०७६, आईतवार ०   बिचार / प्रतिक्रिया

बिजिनेस क्लासमा सुति रहेकी एक यात्रुको फाईल फोटो

गत जुन ९ तारिखका दिन क्यानाडाको क्युबेकबाट टोरन्टो जाने एयर क्यानडाको डेढ घण्टाको उडानमा एक जना यात्रु निदाउँन पुग्दा अचम्मको घटना घटेको छ । यात्रा जम्मा ९० मिनेटको मात्र थियो । टिफेनी एडम्स् यात्राको बिचमा भुसुक्क निदाउन पुगिन् । मध्य आकाशमा निदाएकी उनी ब्युझिदा जहाज खाली थियो । जहाज भित्र अन्धकार थियो अनि जहाज आकाशमा थिएन । जहाज जमिनमा पार्क गरेर राखिएको अवस्थामा थियो । निदाएकी टिफेनीलाई एक्लै छाडेर प्लेन पार्क गरी जहाजका कर्मचारी बन्द गरेर गएपछि उनी अन्धकार जहाजमा एक्लै परेकी थिईन् ।

टिफेनीले एयर क्यानडाको फेसबुक पेजमा लेखेकी छिन् “मेरो डेढ घण्टाको उडानमा सम्भवत आधा भन्दाकम दुरीमा पुगेपछि म निदाएछु । म एक्कै पटक मध्य रातमा ब्युझिएँ (सम्भवत जहाज अवतरण गरेको केही घण्टा पछी हुन सक्छ) । जहाज भित्र एकदम चिसो अनि अन्धकार थियो । शुरुमा त सपना जस्तो पनि लाग्यो तर एक्कै छिनमा थाहा भयो म जहाज भित्र थुनिएको रहेछु । साथीलाई फोन गर्न खोजे तर एक दुई घन्टी जाने बित्तिकै फोनमा ब्याट्री सकिएर फोन पनि बन्द भयो । त्यसपछि फोन चार्ज गर्ने कोसिस गरें तर जहाज भित्र बत्तीको लाईन नहुँदा फोन चार्ज गर्न सम्भव भएन । एकदम डर र चिन्तामा परें । बल्लबल्ल जहाजको ककपिटमा पुगे त्यहाँ एउटा टर्च भेटें । त्यही टर्चको सहारामा जहाजको मुख्य ढोकामा पुगेर ढोका खोलें । ढोका खोले पनि त्यो ढोकाले भुँई छोएको थिएन । ५० फिट माथि थियो । हामफाल्नु सम्भव थिएन । त्यतिकैमा खुट्टा झोल्याएर टर्च बालेर संकेत दिएर बसें । बिशाल बिमानस्थलको एउटा कुनामा पार्क गरेको प्लेन छेऊमा कोही आएन । कती समय बित्यो थाहा भएन । धेरै बेरको प्रयास पछी लगेज कार्ट लिएर एक जना नजिकै आए र बत्ती हल्लाएर कराए पछि उनले मलाई देखेर उद्दार गरे । ति मान्छे जिल्ल पर्यो यस्तो कसरी हुन गयो भनेर । त्यो मान्छेले मलाई बिमानस्थलको भवनमा लिएर गए अनी त्यहाँ पुगेपछि एयर क्यानाडाको प्रतिनिधिसँग भेट भयो” ।

घटनाको बारेमा एयर क्यानाडाले अनुसन्धान गरिरहेको र सम्बन्धित यात्रुसँग संपर्कमा रहेको प्रतिकृया संचार माध्यमलाई बताएको छ ।

श्रोत : इन्डिपेन्डेन्ट

फेसबुकबाट तपाईको प्रतिक्रिया

सम्बन्धित समाचार