टेक्सास

अमेरिकाको टेक्सास राज्यमा बस्ने दुई नेपाली भाषी युवाहरुको माछा मार्न जाँदा मृत्‍यु भएको छ । १९ बर्षीय हिकारु चौलागाई र त्रिशरण खत्री नामका दुई युवाहरुको गत ९ तारिख बिहिबार पोसुम किङ्डम लेकमा माछा मार्ने क्रममा डुबेर बेपत्ता भएका थिए । हिकारु चौलागाई मुल घर नेपालका हुन भने त्रिशरण मुलघर भुटानी हुन । त्रिशरण खत्रीको शव शनिबार गोताखोरको सहयोगमा निकालिएको थियो भने हिकारु गौतमको शव आईतबार मात्र पाईएको थियो । ती दुई युवाहरुको पोसुम किङ्डम लेक मुनीको छालले तानेर मृत्‍यु भएको मृतकद्वयको दाह संस्कारका लागि खोलिएको सहयोग गो फण्ड मि एकाउन्टमा लेखिएको छ । 

अबिन श्रेष्ठको संयोजनमा खोलिएको गोफन्ड् मि एकाउन्टमा मृतकद्वय अत्यन्त रमाईला ब्यक्ति भएको भनिएको छ । हिकारु चौलागाई टेक्सासस्थित सामाजिक अभियन्ता सरिता चौलागाईका छोरा हुन् । मृतकहरुको अन्तिम संस्कारका लागि १५ हजार अमेरिकी डलर लक्ष्य राखी सहयोगको लागि आह्वान गरिएको छ भने हिकारु गौतम एक्लैको नाममा प्रियँका पुडासैनिको संयोजनमा अर्को छुट्टै गो फण्ड् मि एकाउन्ट खोलिएको छ ।