19-Jan-2020 | ५ माघ २०७६, आईतवार

आन्दोलनको नेतृत्व गर्ने कर्मचारीका नेतालाई हायात होटेलको कारवाही

८ असार २०७६, आईतवार ०   बिचार / प्रतिक्रिया


काठमाडौं । हायात होटेलमा आन्दोलन चर्काएर होटेल नै ठप्प पार्ने कामको नेतृत्व गरेका र होटेलको पनि उच्च तहमा रहेर काम गरिरहेका कर्मचारीलाई व्यवस्थापनले कारवाही गरेको छ ।

काठमाडौंको पाँचतारे होटल हायातमा कर्मचारी आन्दोलन चर्किएपछि अघिल्लो साता १ हप्तासम्म सेवा ठप्प भएको थियो ।

आन्दोलन उक्काउन भुमिका खेलेको भन्दै होटल व्यवस्थापनले नेतृत्वमा रहेकामध्ये तीन जनालाई निलम्बन गरेको मजदुर स्रोतले जानकारी दिएको छ ।
व्यवस्थापनले होटलकोआधिकारिक ट्रेड युनियनका अध्यक्ष मुक्ति दाहाल, नेपाल स्वतन्त्र होटल मजदुर युनियनका अध्यक्ष हेमबहादुर पण्डित, संघका कोषाध्यक्ष पुष्कर पोखरेललाई निलम्बन गरेको जनकारी दिएको छ ।

ट्रेड युनियनमा आबद्ध विजयकुमार खत्री, शालिकराम सापकोटा, रमेश अधिकारी, शिवराम पुडासैनी, दुर्गा महत र रबेलसम्बा लामालाई सात दिने स्पष्टिकरण सोधेको छ ।

गत साता होटलमा कार्यरत मजदुरले सम्मानजनक काम गर्ने वातावरण, निरन्तर सेवा सुविधा पाउनु पर्ने माग गर्दै होटेलमा आन्दोलन चर्काएका थिए । त्यसपछि व्यवस्थापनले होटल बन्द गरेको थियो।

श्रम कार्यालयले होटेल खुलाउन पहल गरेछि वार्ताबाटै समस्या समाधान गरी तत्काल काममा फर्कने सहमति गर्दै मजदुर काममा फर्किएका थिए।

Loading...

फेसबुकबाट तपाईको प्रतिक्रिया

सम्बन्धित समाचार