05-Aug-2020 | २१ श्रावण २०७७, बुधबार

आजबाट त्रिभुवन विश्वविद्यालय मातहतका क्याम्पस खुल्ने

७ श्रावण २०७७, बुधबार ०   बिचार / प्रतिक्रिया


काठमाडौं । आजबाट त्रिभुवन विश्वविद्यालय मातहतका क्याम्पस संचालनमा आउने भएका छन् । विश्व स्वास्थ्य संगठन र स्वास्थ्य मन्त्रालयबाट जारी कोभिड १९ विरुद्धका सुरक्षा निर्देशिका तथा निर्देशन पालना गर्दै क्याम्पस सञ्चालनमा आउने भएका हुन् । सरकारले मंगलबार मध्यरातबाट लकडाउन अन्त्य भएको घोषणा गरेको छ । अधिक भिडभाड हुने केही क्षेत्रबाहेक नेपालमा सबै क्षेत्र अब पुर्ववतः अवस्थामा फर्काइएको छ ।

नेपालमा ११ चैतमा लकडाउन शुरु भएको थियो । विश्वविद्यालयले लकडाउन अन्त्य भएसँगै आफनो नियमित कार्यक्रमलाई सुचारु राख्ने निर्णय गरेको हो । विश्वविद्यालयले कोरोना भाइरसका कारण स्थगित परीक्षा भदौँ ७ गतेबाट सुचारु गर्ने निर्णय समेत गरेको छ । यसअघि स्थगित भएका परीक्षा दशै अघि नै सक्ने लक्ष्य विश्वविद्यालयको छ । दशैपछि अन्य नियमित परीक्षा हुने भएका छन् ।

विश्वविद्यालयले क्याम्पस सञ्चालन गर्ने निर्णय गरेसँगै विदामा बसेका प्रँध्यापकहरुलाई समेत क्याम्पस बोलाउने निर्णय गरिएको छ । उनीहरु क्याम्पसमा हाजिर हुनुपर्ने भएको छ । क्याम्पसमा नियमित पठनपाठन र परीक्षा बाहेक अन्य गतिविधि नियमित गरिने भएकोले विश्वविद्यालयका अध्यापक बोलाउने निर्णय त्रिविले गरेको हो । सरकारले १ भदौबाट विद्यालयहरुमा समेत भर्ना खोल्ने निर्णय गरेको छ ।

Loading...

फेसबुकबाट तपाईको प्रतिक्रिया

सम्बन्धित समाचार