कपिलबस्तु। नेत्र विक्रम चन्द (विप्लव)ले कपिलबस्तुको शिवराज नगरपालिका वडा नं ९ शिवगढीमा स्वास्थ्य शिविर आयोजना गरेको छ ।

यो विप्लवको गाउँ हो । सरकारले प्रतिवन्ध लगाएको यस समूहमा आवद्ध शहीद स्मृति प्रतिष्ठानको नेतृत्वमा सोमबार स्वास्थ्य शिविर सम्पन्न गरिएको हो ।

शिविरको नेतृत्व चन्दका छोरा प्रकाशले गरेका थिए । चन्दका छोरा प्रकाश चितवन मेडिकल कलेजका चिकित्सक हुन्।

सरकारले बिप्लव समूहलाई प्रतिबन्ध लगाएको भएपनि छोराको नेतृत्वमा भएको स्वास्थ्य शिविरलाई भने प्रशासनले कुनै क्षति गरेन।

केही महिना अघि सोही स्थानबाट ठूलो परिमाणमा हातहतियार तथा बिष्फोटक पदार्थ फेला पारेको थियो ।

विप्लवको गृहनगर भएकाले पनि यहाँ उनको प्रभाव बढी छ । स्वास्थ शिविर स्थानीय प्रशासनसँग अनुमति लिएरै संचालन गरिएको थियो ।

शिविरमा २ हजार ६ सय स्थानीयले स्वास्थ्य परीक्षण गराएको प्रतिष्ठानले जानकारी दिएको छ ।