काठमाडौं । आजबाट बजारमा एक हजार रुपैयाँको नयाँ नोट चलनचल्तीमा आएको छ । नेपाल राष्ट्र बैंकले आजदेखि एक हजार रुपैयाँको नयाँ नोट चलनचल्तीमा ल्याएको हो । नयाँ नोटमा अब दुईवटा हात्तिको फोटो रहेको छ । चितवनको हात्तीसारमा जन्मिएका जुम्ल्याहा हात्ती राम लक्ष्मणको चित्र राखिएको नेपाल राष्ट्र बैंकले जानकारी दिएको छ ।

यसअघि एक हजारको नोटमा एउटा मात्र हात्तीको तस्बिर राखिएको थियो । हात्तीबाहेक भने नोटमा खासै परिवर्तन गरिएको छैन । नोटको बायाँतर्फ सगरमाथाको चित्र रहेको छ । नयाँ नोटमा राष्ट्र बैंकका पूर्व गभर्नर डाक्टर चिरञ्जीवी नेपालको हस्ताक्षर रहेको बैंकले जनाएको छ । बजारमा आउने नक्कली नोटबाट बच्न समेत राष्ट्र बैंकले बेला बेला नयाँ नोट बजारमा ल्याउने गर्छ ।