रोचक खवर

तिस बर्षअघि बोलेको आधारमा एक अमेरिकीले साथीलाई दिए चिठ्ठाको २२ मिलियन डलरको आधा

न्युयोर्क      

विस्कन्सिन राज्यका एक ब्यक्तिले झन्डै ३० बर्षअघि एक साथीसँग गरेको अनौपचारिक प्रतिबद्धताका आधारमा दुई करोड १० लाख अमेरिकी डलरको चिट्ठा जितेपछि आधा भाग दिने भएका छन । सन् १९९२ मा थोमस कुक र टम फेनिले अमेरिकाकै चर्चित चिट्ठा ‘पावर बल’ सुरुवात हुँदा यदि कुनै दिन दुई जना मध्ये एकलाई चिट्ठा पर्‍यो भने आधा-आधा गर्ने प्रतिबद्धता गरेका थिए । उनीहरु दुबै जना हरेक हप्ता जस्तो पावर बल चिट्ठा किन्दै आएका थिए । झन्डै ३० बर्षपछि गत जुन १० तारिखका दिन थोमसलाई दुई करोड २० लाख डलरको चिट्ठा पर्‍यो । उनले साथी टमलाई फोन गरेर आफुलाई पावर बलको २२ मिलियन डलरको चिट्ठा परेको र यो गेम सुरु हुँदा १९९२ मा आफुबीच गरेको प्रतिबद्धता अनुसार आधा पैसा दिने बताएको थोमसले भनेका छन् ।  

 

कयौं बर्षदेखि पावर बल चिट्ठा खरिद गर्दै आएका कुकले २२ मिलियन डलर जितेको चिट्ठा भने मेनोमोनीस्थित साईनर्जी कपमा किनेका थिए । कुकले चिट्ठा जितेपछि काम छोड्नको लागि दुई हप्ते जानकारी दिई सकेका छन् । ३० बर्षअघि हात मिलाएर कुरै कुरामा गरेको सामान्य प्रतिबद्धतालाई आधार मानेर एक करोड १० लाख डलर दिएका कुक भन्छन् ‘ह्याण्ड सेक इज ह्याण्ड सेक’ । दुई करोड १० लाख जितेको चिट्ठाको १० लाख डलर भने कर बापत तिर्नु पर्नेछ ।