समाचार

अमेरिकामा स्वस्तिक चिन्ह भएको मास्क लगाएर वालमार्ट जाँदा एक बर्षको बन्देज

एजेन्सी

हिन्दू, बुद्धिष्ट र जैन धर्ममा ईश्वर र आध्यात्मिकताको संकेतमा प्रयोग गरिने स्वस्तिक चिन्ह भएको फेस मास्क लगाएर मिनियासोटास्थित एक जोडी वालमार्ट भित्र किनमेल गर्न गएपछि उनीहरुलाई अर्को केही बर्ष वालमार्टमा किनमेल गर्नको लागि प्रतिबन्द लगाईएको छ । शनिबारको उक्त घटनाको मिनियासोटा वालमार्टले पुष्टी गरेको छ ।
सन् १९३० सम्म पश्चिमा देशहरुमा समेत शुभ संकेत र शुभ साईतको लागि प्रयोग हुने स्वस्तिक चिन्ह जर्मनीस्थित नाजीले आफ्नो ब्राण्ड बनाएपछि यो संकेतलाई जर्मन नाजीको चिन्हको रुपमा हेर्ने गरिन्छ ।

स्वस्तिक चिन्ह भएको मास्क लगाएर किनमेल गर्न वालमार्ट गएका ५९ बर्षीय पुरुष र ६४ बर्षीया महिला जोडीको सोही स्थानमा किनमेल गर्न आएका अर्को ग्राहकले फोनबाट भिडियो खिच्दै भनाभन समेत गरेका थिए । शनिबार वालमार्टमा खिचिएको उनीहरुको त्यो भिडियो सामाजिक संजालमा भाईरल भएको छ । भिडियोमा ती जोडीलाई अर्को ब्यक्तिले भनेका छन्; “स्वस्तिक चिन्ह भएको मास्क लगाउने मान्छे तिमी अमेरिकन हुन सक्दैनौ” । भिडियोमा ती जोडीलाई थुप्रै मान्छेले मास्क फुकाल्न भनेका छन् ।
नेपथ्यबाट अर्को आवाज सुनिएको छ; ‘मेरो हजुरबुवाले नाजीलाई मारेका थिए’।

भिडियो भाईरल हुँदै गएपछि शनिबार साँझ वालमार्टले एक बिज्ञप्ति प्रकासित गर्दै भनेको छ; “मिनियासोटाको मार्शलको वालमार्टमा आज जे भयो त्यो अस्वीकार्य छ । हामी हाम्रो ग्राहकलाई सुरक्षित र सुबिधायुक्त खरिद बातावरण दिन चाहन्छौं । कुनै पनि किसिमको अपमान र भेदभाव हामी स्वीकार गर्दैनौं । बर्तमान महामारीको परिस्थितिमा सबैको सुरक्षाको लागि हाम्रो स्टोर भित्र प्रबेश गर्ने सबैले फेस मास्क लगाउन अनुरोध गर्दै आएका छौं” भनेको छ । मार्शल पुलिस डिपार्टमेन्टले स्थानीय न्युज च्यानल केएआरई ११ लाई स्वस्तिकको ठुलो चिन्ह भएको मास्क लगाएर आउने जोडीलाई अर्को एक बर्ष कुनै पनि वालमार्ट प्रबेशमा रोक लगाईएको छ ।