काठमाडौं । नेपालमा कोरोना भाइरसको संक्रमण २० हजार नाघेको छ । शनिबार एकै दिन ३१५ जना थप संक्रमित भेटिएसँगै २० हजारको नेटो कटेको हो । पछिल्लो २४ घण्टामा थप ३१५ जनामा कोरोना भाइरसको संक्रमण पुष्टि भएको छ । पछिल्लो २४ घण्टामा ९८ जनाले कोरोनालाई जित्न सफल भएका छन् । स्वास्थ्य तथा जनसंख्या मन्त्रालयका प्रवक्ता जागेश्वर गौतमका अनुसार लकडाउन खुलेसँगै पछिल्ला दिनमा कोरोना भाइरसको संक्रमणको दरसमेत उकालो लागेको छ ।

सोहीक्रममा पछिल्लो एक सातायता शनिबार सर्वाधिक ३ सय १५ जनामा कोरोना पुष्टी भएको छ । अहिले रौटहत र कैलाली जिल्ला ५ सय भन्दा बढी सक्रिय सक्रमित भएको जिल्ला हुन् । रसुवा, भोजपुरलगायतका जिल्ला भने अहिले शुन्य संक्रमणमा रहेका छन् । यसैबीच सरकारले अत्यावश्यक काम नपरेसम्म घर बाहिर ननिस्कन, मास्क अनिवार्य प्रयोग गर्न, सामाजिक दूरी कायम गर्न र भिडभाडमा नजान सर्वसाधारणलाई आह्वान समेत गरेको छ ।