30-Sep-2020 | [nepali_today_date]

मैदानमा खेलाडीको अगाडी खोकेमा रातो कार्ड

August 4, 2020 ०   बिचार / प्रतिक्रिया


काठमाडौं । कोरोना भाइरसको संक्रमणका कारण संसारभर अब जीवनमा केही न केही परिवर्तन हुँदैछ । यसले व्यक्तिको दैनिक जीवनदेखि व्यवसायिक दैनिकीमा समेत प्रभाव पर्नेछ । यस्तो नियम आएको छ फुटबल खेलमा । अब नियतबस अन्य खेलाडी वा खेल पदाधिकारीका अगाडि कुनै खेलाडी वा पदाधिकारीले खोकेमा त्यो खेल भावना विपरितको आचरण मानिने भएको छ । त्यस्तो खेलाडीले सिधै रातो कार्ड पाउनेछन् ।

अन्तर्राष्ट्रिय फुटबल एसोसिएशन बोर्ड (आइफाब)ले नियतबस अन्य खेलाडी वा खेल पदाधिकारी तिर खोकेमा खेलाडीलाई रातो कार्ड दिन सक्ने निर्णय गरेको छ । फुटबलका नियम निर्माता तथा फुटबल एसोसिएशनले, सोचविचार गरेर वा नियतबस अरु खेलाडी वा खेल पदाधिकारीतर्फ फर्केर खोक्ने खेलाडीलाई रातो कार्ड दिने व्यवस्था गरेको हो ।

अन्तराष्ट्रिय संचारमाध्यमहरुका अनुसार त्यसरी खोक्नुलाई अपमानजनक, अश्लिल वा दुर्व्यवहारजन्य भाषा वा व्यवहारको प्रयोग सरह मान्यता दिइएको छ । यस्तो व्यवहार देखाएमा रेफ्रीले निर्णय लिनेछन् । यो नियम कार्यान्वयनमा तत्काल आउनेछ ।

Loading...

फेसबुकबाट तपाईको प्रतिक्रिया

सम्बन्धित समाचार