पर्सा । १८ लाख अवैध नेपाली नोटसहित प्रहरीले दुई भारतीय नागरिकलाई वीरगन्जबाट पक्रेको छ ।

खुट्टामा बाँधेर भारतबाट नेपाल ल्याउँदै गरेको उक्त रकमसहित बाला यादव र रंजन दास पक्राउ परेका हुन् ।

उनीहरु भारतको मोतिहारीस्थित रक्सौल ग्राम पंचायतका बासिन्दा रहेको प्रहरीले जानकारी दिएको छ ।

लुकाई छिपाई श्रोत नखुलेको अवैध १८ लाख रुपैयाँसहित उनीहरु पक्राउ परेका हुन् । उनीहरुले नेपाली मोटरसाइकल प्रयोग गरी भारतबाट नेपाल प्रवेश गरेका थिए ।

पर्सा प्रहरीका अनुसार वीरगन्जस्थित शंकराचार्य गेट नजिकैबाट उनीहरु पक्राउ परेका हुन् । प्रहरीले विशेष सुराकीका आधारमा उनीहरुलाई पक्राउ गरेको बताएको छ ।