Epapers :

18-Jul-2019 | २ साउन २०७६, बिहिबार

एसईई परिक्षाको रिजल्ट आज

१२ असार २०७६, बिहीबार ०   बिचार / प्रतिक्रिया


काठमाडौं । एसईई परीक्षाको रिजल्ट बिहीबार प्रकाशित हुने भएको छ । नतिजा सार्वजनिक गर्न परिक्षा नियन्त्रण कार्यालयको बोर्ड बैठक बिहीबार दिउसो बस्दैछ ।

कार्यलयको बोर्ड बैठक बसेर निर्णय गरे लगत्तै नतिजा सार्वजनिक गर्ने गरिन्छ । अघिल्ला वर्षहरुको तुलनामा यस पटक एसइइ नतिजा ढिला प्रकाशन हुने भएको हो ।

सामान्यतया असार पहिलो साता नजिता आइसक्ने गथ्र्यो । प्रदेश २ मा प्रश्नपत्र बाहिरिएपछि पुनः परीक्षा लिइएको थियो । सोहीकारण समयमै नतिजा आउन ढिला भएको कार्यालको भनाई छ ।

१० चैतबाट शुरु भएको परिक्षामा पौने ५ लाख विद्यार्थी सहभागी छन् । उनीहरुले उच्च शिक्षाको ढोका ढकढक्याउन एसइइ परिक्षा पास गर्नुपर्छ ।

त्यसो त अहिले कक्षा १२ सम्म नै माध्यामिक स्तरको शिक्षा मानिदै गएपछि कक्षा १० स्तरसम्मको परिक्षाको महत्व भने पहिला जस्तौ छैन ।

किनकी विगतमा एसएलसीका नामबाट संचालन हुने परिक्षालाई फलामे गेटका रुपमा लिने प्रचलन थियो । यस वर्ष पहिलो पटक संघीय संरचनाअनुसार एसइइ परिक्षा संचालन भएको थियो ।

देशभरबाट ४ लाख ७५ हजारले परिक्षा दिएका छन् । त्यसमध्ये २ लाख ३६ हजार ४४५ छात्र र २ लाख ३८ हजार ५५८ छात्रा छन् ।

फेसबुकबाट तपाईको प्रतिक्रिया

सम्बन्धित समाचार