29-Sep-2020 | [nepali_today_date]

यूएईमा ५ महिनायता ११० नेपालीको ज्यान गयो

August 13, 2020 ०   बिचार / प्रतिक्रिया


आवुधावी । युनाइटेड अरब इमिरेट्स (युएई)मा मात्र कोरोना भाइरसको संक्रमण शुरु भएयता विभिन्न कारणले १ सय १० जना नेपालीको मृत्यु भएको छ । त्यहाँस्थित नेपाली दूतावासले यसको जानकारी गराएको हो । ११ मार्चयता ठूलो संख्यामा नेपाली नागरिकले यूएइमा ज्यान गुमाएको तथ्यांक दूतावासको रहेको छ । पाँच महिनायता प्राकृतिक मृत्युवरण, आत्महत्या, हत्या, कोरोना संक्रमण र दुर्घटनाबाट उनीहरुको ज्यान गएको हो ।

यसबीचमा कोरोना भाइरसका कारण एक महिलासहित ३६ जना नेपालीको मृत्यु भएको छ । यो अवधिमा कोरोनाबाट ज्यान गएका ३६ र अन्य कारणले ज्यान गुमाएका ६९ जनाको शव युएईमै अन्त्येष्टि गरिएको छ। दूतावासको सिफारिसमा नेपालमा रहेका परिवारको स्वीकृतिपछि स्थानीय प्रशासनको समन्वयमा शव युएईमै अन्त्येष्टि गरिएको दूतावासले जनाएको छ । यो अवधिमा २६ वटा शव नेपाल पठाइएको छ। अझै चारवटा यूएईमै रहेको दूतावासको विज्ञप्तीमा उल्लेख छ ।

Loading...

फेसबुकबाट तपाईको प्रतिक्रिया

सम्बन्धित समाचार