भारत सरकारले दुई मुख्य गुप्तचर निकाय ‘रअ’ र ‘आइबी’मा नेतृत्व परिवर्तन गरेको छ । भारतीय संचारमाध्यमहरुका अनुसार बुधबार सरकारले ‘रअ’ र ‘आइबी’मा नयाँ प्रमुख नियुक्त गरेको छ ।
भारतीय प्रधानमन्त्री नरेन्द्र मोदीको दोस्रो कार्यकाल भर्खरै शुरु भएको सन्दर्भमा सरकारले गुप्तचर निकायका प्रमुख परिवर्तन गरेको हो ।
रिसर्च एन्ड एनलाईसिस विंग ‘रअ’मा सामन्त कुमार गोयल प्रमुखका रुपमा नियुक्त भएका हुन्। इन्टलिजेन्स ब्युरो ‘आइबी’मा अविन्द कुमारलाई नियुक्त गरिएको छ ।
उनीहरु दुबैजना अनुभवी कर्मचारी मानिन्छन् । गोयल सन् २००१ देखि नै रअमा आवद्ध थिए ।
कुमार सन् १९९१ देखि आइबीमा आवद्ध छन्। त्यसकारण पनि सरकारले उनीहरुमाथि भरोसा गरेको हो । एजेन्सी
