काठमाडौं । आजबाट काठमाडौं उपत्यकामा निषेधाज्ञा शुरु भएको छ । अत्यावश्यक काम नपरेसम्म आजबाट एक साता बाहिर जान पाइने छैन । यदी विदेश जाने टिकट छ भने समेत प्रहरीले बाटोमा रोक्ने छैन । टिकट, पासपोर्ट देखाएमा प्रहरीले सजिलै छाडिदिनेछ । अत्यावश्यक काम र हवाई उडानबाट विदेश जानेलाई विमानस्थलमा जान दिने निर्णय सरकारले गरेको हो ।
आवश्यक परेमा प्रहरीले पासापोर्ट भिसा र टिकट जाँच भने गर्नेछन् । उडान हुनेहरु आफ्नो समयमा सिधै विमानस्थल जाने सवारी साधन प्रयोग गर्न सक्ने भएका छन् । आजबाट शुरु भएको निषेधाज्ञामा अतिआवश्यक काम बाहेक निस्केमा प्रहरीले कारवाही गर्नेछ । स्वास्थ्य संकट र महामारी नियन्त्रणका लागि सरकारले निषेधाज्ञा लगाएको हो ।
