23-Sep-2020 | [nepali_today_date]

न्युयोर्कमा डिजे एलएसले च्यारिटीको लागि भलिबल प्रतियोगिता गराउने

August 23, 2020 ०   बिचार / प्रतिक्रिया


न्युयोर्क

जाङ्बु शेर्पा (डिजे एलएस) ले न्युयोर्क सहरमा नेपाली खेलाडीहरु बीच दुई दिने भलिबल प्रतियोगिता गराउने भएको छ । उत्कृष्ट भलिबल खेलाडी बिरबहादुर लिम्बु क्यान्सर रोगबाट पिडित भएकोले लिम्बुको सहयोगार्थ खुल्ला भलिबल प्रतियोगिता गराउन लागिएको हो ।

अमेरिकामा रहेका नेपालीहरुको १६ बिभिन्न भलिबल टिमहरु बीच ३१ ओटा खेललाई २ दिनमा गराइने आयोजक जाङ्बुले बताएका छन् । नक आउट चरणका खेलहरु, पुरस्कार बितरण र समापन समारोह यही अगष्ट ३० तारिख आइतबारका दिन न्युयोर्कको क्वीन्सस्थित ‘क्वीन्स ब्रिज पार्क’मा हुनेछन् ।

आयोजक जाङ्बुले आसन्न खेलबारे भनें; “मैले कुनै समयको उत्कृष्ट भलिबल खेलाडी बिरबहादुर लिम्बुलाई यस्तो अवस्थामा देख्न सकिन । उहाँलाई आर्थिक सहयोगको जरुरी छ । मैले यो खेलबाट उठेको रकममा पुरस्कार र खर्च कटाएर सबै उपचारको लागि दिनेछु” । प्रतियोगितामा प्रथम हुने टिमलाई १५०० डलर र द्वितीयलाई ८०० डलर पुरस्कार राशी राखिएको छ । ४ समुह, एभरेष्ट, माछापुछ्रे, धौलागिरी र कञ्चनजंगामा ४/४ गरी १६ टिमलाई लिक कम नकआउटको आधारमा टाइसिट तयार पारिएको छ ।

Loading...

फेसबुकबाट तपाईको प्रतिक्रिया

सम्बन्धित समाचार