बुटवल । बुटवलमा कोरोना भाइरसको संक्रमणबाट एक जनाको निधन भएको छ । बुटवलस्थित कोरोना विशेष अस्थायी अस्पतालमा उपचाररत कपिलवस्तुका एकजनाको ज्यान गएको हो । कपिलवस्तु नगरपालिका–१ का ५० वर्षीय पुरुषको उपचारका क्रममा बुधबार राति मृत्यु भएको अस्पतालले जनाएको छ । उनी ५ भदौमा अस्पताल भर्ना भएका थिए । उनी उच्च रक्तचाप, मधुमेह र रक्तअल्पताको समस्या समेत झेलिरहेका बिरामी थिए ।

पछिल्लो केही दिनमा दीर्घकालिन रोग बोकेका अधिकांश संक्रमितको ज्यान गइरहेको छ । त्यसमा पनि जोखिममा रहेको बिरामीको संख्या समेत बढिरहेको छ । सोही अनुसार सरकारले अब लक्षण नभएका बिरामीलाई अस्पताल भर्ना समेत नलिने निर्णय गरिसकेको छ ।