काठमाडौं । सरकारले कोरोना भाइरसको सशुल्क पिसिआरको शूल्क घटाएको छ । स्वास्थ्य तथा जनसंख्या मन्त्रालयका अनुसार कोरोना संक्रमण पत्ता लगाउन गरिने प्रयोगशाला परीक्षणको शुल्क घटाइएको हो । अब शूल्क तिरेर गरिने पीसीआर टेष्टको शुल्क ४४०० रुपैयाँ कायम भएको छ ।

यसअघि यो मूल्य ५५ सय थियो । यो शूल्क सेवा शुल्क समेत जोडेर तोकिएका कारण कुनै पनि ल्यावले यो भन्दा बढी रकम दिन नपाउने मन्त्रालयले जनाएको छ । उता, सरकारले निशुल्क हुने पिसिआर परीक्षणमा भने अब कडाई गर्ने भएको छ ।

अब सरकारले तोकेको मापदण्डमा नपर्ने मानिसले भनसुको भरमा पिसिआर निशुल्क गर्न पाउने छैनन् । अब संक्रमितको निकट सम्पर्कमा आएका, लक्षण देखिएका र अग्रभागमा काम गर्नेहरुको मात्र निःशुल्क परीक्षण गर्ने तयारी गरिएको छ ।