23-Sep-2020 | [nepali_today_date]

प्रवासी पिडा बोकेको पासाङको नयाँ गीत बजारमा

August 31, 2020 ०   बिचार / प्रतिक्रिया


न्युयोर्क

नरोऊ तिमी भन्छौ भने…, साँझ ढलेको थाहै पाएन…, सुनसान बगरमा… जस्ता चर्चित गीतहरु लेखेर चर्चामा आएका गीतकार पसाङ् शेर्पाको नयाँ गीत ‘सयौं डाँडा काट्दै आएँ…’ सार्वजनिक भएको छ । नेपाल आइडल २ को उपबिजेता बिक्रम बरालको स्वर तथा वरिष्ठ संगीतकार हरि लम्सालको संगीत, रिकेश गुरुङको एरेञ्जमा नेपालबाट सोमबार रिलिज गरिएको ‘ सयौं डाँडा काट्दै आएँ…’ को भिडियो हालै युट्यूब र विभिन्न टेलिभिजन च्यानलहरुबाट एकैसाथ  सार्वजनिक भएको छ । पासाङ्को नयाँ गीतले प्रवासी नेपालीको कथा बोकेको छ । घर परिवारलाई छोडेर परदेशिनुको पीडा र परदेशमा रहँदाको एक्लोपन अनि दु:ख पिडाका भावनालाई गीतका शब्दले बोकेको छ भने म्यूजिक भिडियोले गीतका शब्दलाई जिवन्तता प्रदान गरेको छ ।

घर परिवारलाई छोडेर परदेशिनुको पीडा र परदेशमा रहँदाको एक्लोपन अनि दु:ख पिडाका भावनालाई गीतका शब्दले बोकेको छ

म्युजिक भिडियोको निर्देशन निकेस खड्काले गरेको छन् । बुद्ध थापा र ईश्वर आर थापाको छायाँकन तथा सम्पादन रहेको गीतको भिडियोमा गौरव पहरी र वर्षा रावतको जीवन्त अभिनय देख्न पाइन्छ । भिडियो सम्पादन कार्य बिकास धमलाको र मेकप हिना मगरले गरेका छन् ।  

गीत जति राम्रो छ गीतको भिडियो पनि त्यतिकै उत्कृष्ट बनेको छ।

Loading...

फेसबुकबाट तपाईको प्रतिक्रिया

सम्बन्धित समाचार