30-Sep-2020 | [nepali_today_date]

प्रधानमन्त्री ओलीले बंगलादेशी समकक्षीसँग मागे युरिया मल पैंचो

September 1, 2020 ०   बिचार / प्रतिक्रिया


काठमाडौं । नेपाल सरकारले बंगलादेश सरकारसँग यूरिया मल पैंचो मागेको छ । प्रधानमन्त्री केपी शर्मा ओलीले मंगलबार बंगलादेशी समकक्षी शेख हसिनासँग टेलिफोन वार्ता गरेका छन् । वार्ताका क्रममा बंगलादेश नेपाललाई यूरिया मल दिन सकारात्मक देखिएको प्रधानमन्त्री ओलीले टुइट गर्दै उल्लेख गरेका छन् ।

नेपालमा समयमै यूरिया मलको खरीद गर्न नसकेपछि मूख्य धानबाली लगाउने बेलामै नेपालमा यूरिया मलको चरम अभाव छ । सरकारले आफ्नो लाचार बंगलादेशसँग प्रस्तुत गरेको छ । सोहीकारण नेपालले बंगलादेशबाट पैंचो पाउने अवस्था बनेको हो ।

प्रधानमन्त्री हसिनासँग दुई देशको हितका विषयमा उपलब्धिमुलक छलफल भएको समेत ओलीले बताएका छन् । नेपालको तत्काल आवश्यकताको लागि माग गरिएको युरिया मलका लागि हसिना सकारात्मक रहेको प्रधानमन्त्रीको ट्विटमा उल्लेख छ ।

नेपालमा मल ल्याउने ठेक्का पाएको नेपाली ठेकदारले समयमै मल ल्याउन सकेको छैन । कुटनीतिक माध्यमबाट भएको छलफलमा नेपाललाई तत्काल उपलब्ध गराउन सक्ने गरी ५० हजार मेट्रिक टन मल दिन बंगालदेश सकारात्मक देखिएको आपूर्ति मन्त्रालयले जनाएको छ ।

Loading...

फेसबुकबाट तपाईको प्रतिक्रिया

सम्बन्धित समाचार