काठमाडौं । भारत कोरोना भाइरसको महामारीको चक्रब्यूहमा फसेको छ । तथ्यांक अनुसार पछिल्लो २४ घण्टामा यहाँ करीव १ लाख मानिसमा कोरोना भाइरसको नयाँ संक्रमण पुष्टी भएको छ । शनिबार २४ घन्टामा ९० हजार ६ सय संक्रमित थप भएको तथ्यांक आएको छ । अब भारतमा कुल संक्रमितको संख्या ४१ लाख ११ हजार पुगेको छ।

भारत अहिले अमेरिका र ब्राजिलपछि बढी संक्रमित रहेको मुलुकमा तेस्रो स्थानमा रहेको छ । पछिल्लो २४ घण्टामा यस मुलुकमा कोरोनाका कारण १ हजार भन्दा मानिसले ज्यान गुमाए । यहाँ कुल मृतकको संख्या ७० हजार ६ सय नाघेको छ। यो अवधिमा अमेरिकामा भने ४० हजार ७ सय मानिसमा नयाँ संक्रमण देखियो ।

अमेरिकामा कुल संक्रमितको संख्या ६४ लाख २९ हजार ८ सय पुगेको छ। यहाँ एक दिनमा सात सय मानिसले ज्यान गुमाए । अमेरिका सबैभन्दा बढी मानवीय क्षति हुने देश हो । कोरोनाका कारण अमेरिकामा १ लाख ९२ हजार ८ सय मानिसको ज्यान गएको छ ।

अमेरिकामा ३७ लाख ६ हजार ७ सय मानिसले कोरोनालाई जितेका छन् । विश्वभर कोरोना भाइरस लाग्ने मानिसको संख्या २ करोड ७० लाख ४३ हजार रहेको छ । ८ लाख ८२ हजार ९ सयले ज्यान गुमाएका छन् । नेपालमा मात्र २ सय ८० जनाको निधन भएको छ ।