लद्दाख । लद्दाखमा केही महिना अगाडी २० जना भारतीय सैनिक मारिने गरी भएको हिंसात्मक मुडभेडपछि यो क्षेत्र अशान्त बनेको छ । दुई छिमेकी मुलुक भारत र चीनबीच सीमा क्षेत्रमा त्यसयता पटक पटक फायरिङका घटना हुन थालेका छन् ।

सोमबार राती समेत दुबै मुलुकका सेनाले सीमानामा चेतावनी फायरिङ गरेको चीनको सरकारी संचारमाध्यम ग्लोबल टाइम्सले पुष्टी गरेको छ । सोमबार राति भारत चीनबीचको विवादित पूर्वीलद्दाखमा भारतले चेतावनी फायरिङ गरेको र चीनले पनि जवाफी फायरिङ गरेको टाइम्सको भनाई छ ।

सेनालाई उदृत गर्दै उत्त संचारमाध्यमले जनाएअनुसार भारतीय सेनाले सीमा पार गरेर फायरिङ गरेको थियो । त्यसपछि अवस्थालाई शान्त पार्न चिनियाँ सेनाले जवाफी फायरिङ गरेको छ । उता, भारतीय समाचार एजेन्सी एएनआइले समेत पूर्वीलद्दाख सीमामा फायरिङ भएको पुष्टी गरेको छ ।