न्युयोर्क

दीपाको शब्दमा जीवन बोल्दछ । भावना बग्दछ । अनुभूति झल्कन्छ । जब उनका शब्दमाला गीत बनेर गुञ्जन्छ तब संगीत सार्थक लाग्दछ । नेपाली संगीताकाशका सुनौला तारा साहित्यानुरागी दीपा राई पुनको नयाँ गीत “मैले कोरेको चित्रमा…” म्युजिक भिडियो सहित युट्युब मार्फत सार्वजनिक भएको छ ।

“मैले कोरेको चित्रमा मेरै प्रितको कथा छ

गहिरो धेरै गहिरो मुटु भरीको गाथा छ”

आधुनिक संगीतशिल्पी हरि लम्सालको संगीतमा नेपाल आइडलका प्रतिस्पर्धि गायक प्रताप दासको स्वरले गीत कर्णप्रिय बनेको छ । गीतमा कोरियोग्राफर निकेश खड्काले ‘साँचो मायाको आभाष जनम जनमसम्म हुन्छ । माया जुन रुपमा प्रकट भएपनि अन्तरमनको ढुकढुकी बनहर गुञ्जिरहन्छ’ भन्ने सन्देश दिन खोजेका छन् ।

कलाकार प्रियङ्का कार्की र आयुष्मान जोशीको अभिनय जीवन्त छ । गीतको निर्माता बिमला राई हुन् ।