न्युयोर्क       

पेट बढ्दै गएका मानिसहरुलाई दुखित तुल्याउने एक अध्ययनको नतिजा सार्वजनिक भएको छ । पेटमा बोसो भरिएर पेट ठुलो हुने मानिसहरुको कुनै न कुनै कारणबाट छिट्टै मृत्‍यु हुने एक नयाँ अध्ययनले देखाएको हो ।महिलाहरुमा औसत भन्दा १० सेन्टिमिटर ठुलो पेट भएको अवस्थामा कुनै न कुनै रोगको कारणबाट उनिहरुको छिट्टै मृत्‍यु हुने सम्भावना ८ प्रतिशत ज्यादा हुने र पुरुषहरुको औसत भन्दा १० सेन्टिमिटर पेट ठुलो भएमा छिट्टै मृत्‍यु हुने सम्भावना १२ प्रतिशत ज्यादा हुने उक्त अध्ययनले देखाएको छ ।  अध्ययनको नतिजा ब्रिटिश मेडिकल जर्नल (द बिएमजे) ले बुधबार सार्वजनिक गरेको हो । बिएमजे विश्व कै प्रतिष्ठित जर्नलहरु मध्येको एक मानिन्छ । 

शरीरको मध्य भागमा रहेको पेटमा अधिक बोसो जम्मा हुँदा शरीरको मेटाबोलिजममा अबरोध उत्पन्न भई डाईबेटिज, मुटु रोग लगायत अन्य रोग शुरु हुन पुग्दछ

यो नतिजा बिगत ३ अथवा २४ वर्षदेखि अध्ययनरत खोजकर्ताहरुले कुल २५ लाख मानिसहरु संलग्न भएका ७२ फरक अध्ययनबाट निकालिएको द बिएमजेले जनाएको छ । अध्ययनमा औसत भन्दा पेट ठुलो हुनेको मृत्‍यु छिटो हुने देखिए पनि हिप ठुलो हुने र तिघ्रा ठुलो हुनेहरुमा भने छिट्टै मृत्‍यु हुने खतरा निक्कै कम रहेको देखिएको छ । ति ७२ प्रकारका सबै अध्ययनमा शरीरको मध्य भाग वरिपरिको नाप लिईएको जनाइएको छ ।  अध्ययनको निष्कर्ष शरीरको मध्य भागमा रहेको पेटमा अधिक बोसो जम्मा हुँदा शरीरको मेटाबोलिजममा अबरोध उत्पन्न भई डाईबेटिज, मुटु रोग लगायत अन्य रोग शुरु हुन पुग्दछ ।  

अध्ययनले मानिसको शरीरको मध्य भागमा जम्मा भएको बोसोलाई खतरानाक भनेको छ । पुरुषहरुमा हुने ‘बियर बेलिज’ महिलाहरुमा हुने ‘बेली’ मा भएको अधिक बोसोले एउटा छुट्टै प्रकारको ‘भिसिरल फ्याट’ निर्माण गर्दछ । जुन बोसोले शरीरको मध्य भाग पेटको वरिपरी हुने अंगहरु कलेजो प्याङक्रियाज् र पेटका आन्द्राहरुमा बोसोको निर्माण गरेर ति आन्तरिक अंगहरुलाई निस्कृय गराँउदै लैजान्छ, भनिएको छ । भिसिरल फ्याटलाई एक्टिभ फ्याट पनि भनिन्छ किनकी यो फ्याटले शरीरमा हर्मोनको कृयाकलापमा पनि बाधा उत्पन्न गराउँदछ र मानिसलाई डाईबेटिज हुने, उच्च रक्तचाप हुने, शरीरमा कोलेस्ट्रोरल बृद्धि हुने, क्यान्सर हुने, अल्जाईमर हुने गर्दछ । भिसिरल फ्याट मनिसको हात पाखुरा तिग्रामा हुने फ्याट भन्दा फरक फ्याट हो । मानिसको हात पाखुरा तिघ्रा र हिपमा भएको बोसोले हानी गर्दैन ।  

श्रोत; द बिएमजे