नयाँदिल्ली । भारतमा उपराष्ट्रपति वैंकैया नायडूमा कोरोना भाइरसको सङ्क्रमण पुष्टी भएको छ । बहालवाला अधिकारीमध्ये भारतमा कोरोना पुष्टी हुने उनी सबैभन्दा उच्च तहका नेता हुन् । यसअघि भारतका पूर्वराष्ट्रपति प्रवण मुखर्जीको कोरोना भाइरसका कारण ज्यान गइसकेको छ ।

उपराष्ट्रपति नायडूको सचिवालयले ट्वीट गदै उनका कोरोना पोजेटिभ देखिएको पुष्टी गरेको हो । चिकित्सकले उनलाई घरमै आइसोलेशनमा बस्न सल्लाह दिएका छन् । उनकी श्रीमतीमा भने कोरोना रिपोर्ट नेगेटिभ आएको ट्वीटमा उल्लेख छ ।

भारतमा अहिले कोरोनाको फैलावट उच्च छ । २४ घण्टामा भारतमा साढे ८० हजारमा कोरोना पुष्टि भएको छ । यहाँ कुल सङ्क्रमितको संख्या ६२ लाख पुगेका छ । ५१ लाख ८४ हजार निको भएका छन् । साढे ९७ हजारको भने कोरोना सङ्क्रमणका कारण मृत्यु भइसकेको छ ।