काठमाडौं । कुवेतका राजा शेख सबा अल अहमद अल सवाहको ९१ वर्षको उमेरमा निधन भएको छ । उनको मंगलबार उपचारका क्रममा अमेरिकामा निधन भएको अन्तर्राष्ट्रिय संचारमाध्यमले जनाएका छन् । उनी जुलाई १८ मा अस्पताल भर्ना भएका थिए । शल्यक्रिया सफल भएपनि स्वास्थ्यमा उल्लेख्य सुधार नभएपछि थप उपचारको लागि उनी जुलाई २३ मा अमेरिका गएका थिए ।

उनमा अमेरिकी अस्पतालमा के को उपचार भइरहेको थियो भन्ने चाँही खुलाइएको छैन । उनी सन् २००६ देखि कुवेतको राजा बनेका थिए । सबा अल अहमद ५० वर्षदेखि विदेशी नीति सम्हाल्दै आएका नेता हुन् । उनको निधनमा कुवेतमा ४० दिनसम्म शोक अवधि घोषणा भएको छ ।

तीन दिनका लागि सबै कार्यालय बन्द भएका छन् । सभा अलको निधनपछि अब कुवेतमा उनका भाइ शेख नवाफ अल अहमद अल सबाहले राज्य सम्हालेका छन् । भाई ८३ वर्षीय हुन् । यसअघि शेख सभा अल अस्पताल भर्ना भएको बेला पनि राज्य उनैले सम्हालेका थिए ।