29-Jan-2020 | १५ माघ २०७६, बुधबार

विश्वकप क्रिकेटमा भारतको पहिलो हार, पाकिस्तानलाई तनाव

१६ असार २०७६, सोमबार ०   बिचार / प्रतिक्रिया


न्यूयोर्क
बेलायतमा जारी विश्वकप क्रिकेट प्रतियोगितामा भारतले पहिलो हार व्यहोरेको छ । आईतबारको खेलमा भारत आयोजक बेलायतसँग ३१ रनले पराजित भयो ।

बेलायतले दिएको ३३७ रनको लक्ष पछ्याएको भारतले निर्धारित ५० ओभरमा पाँच विकेटको क्षतिमा ३०६ रनमात्र बनाउन सक्यो । भारतीय टोलीका तर्फबाट रोहीत शर्माले सर्वाधिक १०२ रन बनाएका थिए । भारतले लीग चरणका छ खेलसम्म हारेको थिएन । न्यूजिल्याण्डसँग बराबरी बाहेक पाँच खेल जितेको भारत अहिले पनि ११ अंक सहित तालिकाको दोस्रो स्थानमा छ ।

आजको जितसँगै आयोजक बेलायतले सेमीफाइनल प्रवेशको सम्भावनालाई बलियो बनाएको छ । भारतको चीर प्रतिद्वन्दी छिमेकी पाकिस्तानलाई भने आजको नतिजाले घाटा पुगेको छ । आठ÷आठ खेली सकेका बेलायत र पाकिस्तानले क्रमशः १० र ९ अंक हासिल गरेका छन् । अब पाकिस्तानलाई सेमीफाइनलमा पुग्न अन्तिम खेल जित्नै पर्ने हुन्छ भने बेलायतले आफ्नो खेल हार्नु पर्नेछ । पाकिस्तानले बंगलादेशसँग र बेलायतले न्यूजील्याण्डसँग अन्तिम खेल खेल्दैछन् ।

तालिकामा १४ अंक सहित पहिलो नम्बरमा रहेको अष्टे«लिया भने सेमिफाइनलमा प्रवेश गरि सकेको छ । अब न्यूजील्याण्ड, भारत, बेलायत र पाकिस्तानमध्ये तीन टोली सेमिफाइनलमा जानेछन् । श्रीलंका, बंगलादेश, साउथ अफ्रिका, बेष्ट इन्डिज र अफगानिस्तान भने सेमीफाइनल दौडबाट बाहिरिइ सकेका छन् ।

Loading...

फेसबुकबाट तपाईको प्रतिक्रिया

सम्बन्धित समाचार