Epapers :

21-Oct-2019 | ४ कार्तिक २०७६, सोमबार

नेपालमा १५ पाँचतारे होटेल

२० असार २०७६, शुक्रबार ०   बिचार / प्रतिक्रिया


काठमाडौं । नेपालमा पाँचतारे होटेलको संख्या १५ पुगेको छ । १६ असारमा ठमेलमा खुलेको अलफ्ट काठमाडौं ठमेलले पर्यटन विभागबाट पाँचतारे होटेलको वर्गिकरण स्वीकृति लिएसँगै नेपालमा पाँचतारे होटेलको संख्या १५ पुगेको हो ।

ठमेलस्थित १४ तला अग्लो छायाँ सेन्टरमा यो होटेल अवस्थित छ । २ असारमा मेरियट काठमाडौं होटेलले पाँचतारे होटेलको मान्यता पाएको थियो ।

यस भवनको ६ तलासम्म सिनेमा हल, पसल तथा विभिन्न कर्पोरेट हाउसका कार्यालय संचलनमा छन् । त्यसमाथि भने होटेल स्थापना गरिएको छ । होटेलमा १७७ वटा कोठा छन् ।

पछिल्लो समय पाँचतारे होटेलमा व्यवसायीको आकर्षण बढेको छ । फागुन २०७५ मा बाँकेको कोहलपुरस्थित होटेल सेन्ट्रल प्लाजा पाँचतारे मान्यता पाएयता ४ वटा होटेलले पाँचतारे मान्यता पाइसकेका छन् ।

यसबीचमा नेपालगन्जको सोल्टी वेस्टेन्ड प्रिमियर र काठमाडौं मेरियट होटेलले पाँचतारे मान्यता प्राप्त गरे ।

नेपालमा खुलेका पाँचतारे होटेलमध्ये १० राजधानीमा र पाँच होटेल उपत्यका बाहिर छन् ।

उपत्यका बाहिर सोल्टी वेस्टेन्ड प्रिमियर, भैरहवास्थित टाइगर प्यालेस रिसोर्ट, बाँकेको कोहलपुरस्थित होटेल सेन्ट्रल प्लाजा, पोखराको न्ड होटेल र द फूलबारी रिसोर्टले पाँचतारे मान्यता पाए ।

फेसबुकबाट तपाईको प्रतिक्रिया

सम्बन्धित समाचार