नयाँ दिल्ली । भारत सरकारले आव २०१९\२० का लागि बजेट सार्वजनिक गरेको छ । यो बजेट प्रधानमन्त्री नरेन्द्र मोदी सरकारको दोस्रो कार्यकालको पहिलो बजेट हो ।

वित्त मन्त्री सीतारमणले २७,८६,३४९ करोड भारु (करीव ४ सय ५० खर्ब नेपाली रुपैयाँ) बराबरको बजेट लोकसभामा प्रस्तुत गरेकी हुन् ।

बजेटले आकर्षक कार्यक्रम समेटेको छ । पूर्वाधार विकासलाई उच्च प्राथमिकता दिएको बजेटले सडक, रेल, हवाई र अन्य पूर्वाधारमा ठूलो बजेट खर्च गर्ने लक्ष्य लिएको छ ।

जनतालाई आकर्षित गर्ने खालका कार्यक्रम अधिकतम समेटिएका छन् । विदेशी लगानीमा उदार रहेर भारतलाई विदेशी लगानीको आकर्षणको केन्द्र बनाउने घोषणा समेत बजेटमा गरिएको छ ।

बजेटले पेट्रोल\डीजलको मूल्य बढाएको छ । यसमा दुई रुपैयाँ प्रतिलिटर कर बढाइएको छ ।

विद्युतीय सवारीमा सरकारले छूट लिएको छ । तीन करोड साना व्यापारीका लागि पेन्सन योजना ल्याइएको छ ।

ठूलो कम्पनीलाई फाइदा हुने गरी कारोबारको ५ सय करोड पुर्याइएको छ, जसमा २५ प्रतिशत कर लाग्ने छ ।
एजेन्सी