Epapers :

21-Sep-2019 | ४ आश्विन २०७६, शनिबार

यसरी उड्यो अमेरिकाको अाकासमा डलर : टिप्न्नेको भिड

२७ असार २०७६, शुक्रबार ०   बिचार / प्रतिक्रिया


न्युयोर्क
गत मंगलवार राती ८ बजे अमेरिकाको एटलान्टास्थित हाईवेमा पैसा ओसार पसार गर्ने (आर्मोर्ड ट्रक) को ढोका खुलेर झन्डै २ लाख अमेरिकी डलर हाईवे वरिपरिको आकाशमा पत्कर जस्तै उड्यो । पैसा आकाश भरी उडेको देखेपछी महादेबको पनि तिन नेत्र भने झैं हाईवेमा गुडिरहेका अन्य गाडीहरु भटाभट रोकिए र गाडीबाट मान्छे निस्किएर पैसा सोर्न थाले । गाडीबाट निस्किएर उडेको पैसा सोर्दै हिंडेको भिडियो सामाजिक संजालमा भाईरल भएका छन् ।

पैसा ओसार पसार गर्ने ट्रक (आर्मोर्ड ) को ड्राईबरले गाडीको साईड ढोका खुलेर पैसा बाहिर निस्किएको बताएका छन् । हाईवे अाई-२८५ मा छरिएको पैसा लिएर जानेहरुको नाममा तत्काल स्थानीय डनऊडी प्रहरीले अनुरोध सहितको सुचना निकालेर भनेको थियो “जम्मा १ लाख ७५ हजार अमेरिकी डलर हराएको छ । थाहा छ यो एउटा अचम्मको घटना हो । तर उचित काम गर । अब पैसा फिर्ता गर । बाटोमा छरिएको पैसा टिप्नेहरुको गाडीको नम्बर प्लेटको आधारमा पहिचान भै सकेको हुँदा यदी उनिहरु आएर पैसा फिर्ता गर्छन् भने केही हुन्न नत्र हामी पक्राउ गर्छौ” । प्रहरीको अनुरोध पछी हालसम्म ५ जनाले पैसा फिर्ता गरी सकेका छन् । प्रहरीको सुचनालाई समुदायका मान्छेहरुले सकारात्मक रुपमा लिएर हराएको १ लाख ७५ हजार डलर नै संकलन हुने अपेक्षा प्रहरीको छ । प्रहरीले पैसा फिर्ता गरेको हरेक मान्छेको फोटो समेत डनउडी प्रहरीको फेसबुकमा राखेको छ । अमेरिकामा गुडिरहेको ट्रकबाट लाखौं डलर आकाशमा उडेको घटना यो पहिलो भने होईन । यस अघि डिसेम्बर महिनामा न्युजर्सीस्थित मेटलाईफ स्टेडियम अगाडिको हाईवेमा यसैगरी पैसा उडाएको थियो । सन् २०१८ को मे महिनामा ईन्डियाना राज्यको हाईवेमा ६ लाख डलर ट्रकको ढोका खुलेर उडाएको थियो । सन् २०१६ को जुन महिनामा रोड अाईल्यान्डको हाईवेमा यसरी नै उडाएको थियो । त्यसैगरी सन् २०१० को मार्चमा कोलम्बसमा १ लाख डलर ट्रकबाट निस्किएर छरिएको थियो । कोलम्बसमा सन १९८७ मा पनि यसरी नै सडकमा पैसा छरिएको थियो ।

फेसबुकबाट तपाईको प्रतिक्रिया

सम्बन्धित समाचार