काठमाडौ
नेपाली चलचित्र क्षेत्रमा चर्चाकी नायिकामा पर्छिन् एलिशा राई । पछिल्लो समय उनको चर्चा ‘यो कुरा गोप्य’ नामक गीतमा अभिनय पछि, भइरहेको छ । यो गीत डान्सिङ बिटमा तयार गरिएको छ । गीतमा एलिशालाई उनका प्रेमीले मायाप्रेमको कुरा गोप्य राख्न आग्रह गरेका छन् । तर, उनी वास्तविक प्रेमी भने होइनन् ।
नेपाली चलचित्र क्षेत्रकी अभिनेत्री र मोडल हुन् एलिशा राई । चलचित्र लुट–२ मा उनको नृत्यले उनलाई चर्चाको शिखरमा पु¥याएको छ । त्यसो त उनलाई राई भाषाको चलचित्र बिनायोले यो स्थानसम्म ल्याएको हो । उनले धेरै सानो पर्दामा अभिनयसमेत गरेकी छन् । लुट–२ को ठमेल बजार गीतबाट एकाएक चर्चामा आएकी उनी अहिले पनि अभिनयमा व्यस्त छन् । काठमाडौं, कपनकी स्थायी बासिन्दा एलिसा अविवाहित हुन् । शारीरिक रूपमा फिट, सामान्य पहिरन लगाउने खालको केटा उनलाई मन पर्छ ।