अफगानिस्तानमा शुक्रबारदेखि शुरु सरकारी फौज र तालिबान समथर्क लडाकुबीच भएको भिडन्तमा २६ जना मारिएको सरकारी अधिकारीहरुले दावि गरेका छन् ।
अन्तराष्टिय संचारमाध्यमहरुका अनुसार अफगानिस्तानका उत्तरी प्रान्त तखार र जावजानमा सुरक्षा फौज र तालिबान लडाकुबीच झडप भएको हो ।
तालिबान समर्थक लडाकूले जावजान प्रान्तस्थित एक जिल्ला कब्जा गर्न खोजेपछि भयानक आक्रमण भएको बताइएको छ ।
यसरी मारिने तालिबानीमा स्थानीय नेताहरु समेत परेको सरकारी अधिकारीहरुले दावि गरेका छन् ।
तखार प्रान्तको कार्कीन जिल्ला कब्जा गर्ने प्रयासमा तालिबानले लामो समयदेखि सघर्ष गरिरहेको छ । झडपको क्रममा एक सुरक्षा अधिकारी मारिनुको साथै अन्य दुई घाइते भएको सरकारले उल्लेख गरेको छ ।
