23-Nov-2019 | ७ मंसिर २०७६, शनिबार

विश्वकप विजेता इंल्याण्डको पोल्टामा ४४ करोड नगद

३० असार २०७६, सोमबार ०   बिचार / प्रतिक्रिया


लण्डन । दर्शनीय फाइनलमा न्यूजील्याण्डलाई पराजित गर्दै पहिलो पटक विश्वकप उपाधी घरमा राखेको इंग्ल्याण्डले पुरस्कारस्वरुप नगद ४ मिलियन डलर (झण्डै ४४ करोड रुपैयाँ) समेत हात पारेको छ ।

इंल्याण्डलाई क्रिकेटको जननी मानिन्छ । तर, अहिलेसम्म विश्वकप उचाल्न सकेको थिएन् । आइतबार साँझ लण्डनको लर्डस् रंगशालामा सम्पन्न फाइनलमा इंङ्ल्याण्डले सुपर ओभरमा न्यूजिल्याण्डलाई पराजित गरेको हो ।

निर्धारित ५० ओभरको खेलमा दुवै टोलीले समान २४१ रन बनाए । त्यसपछि सुपर ओभरमा गएको खेलमा पनि पुनः समान रन बन्यो । त्यसपछि विजेताको छिनोफानो बाउन्ड्रीका आधारमा गरियो ।

२४ बाउन्ड्री प्रहार गरेको इंल्याण्ड १७ मात्र बाउन्ड्री प्रहार गरेको न्यूजिल्याण्डभन्दा अगाडी रह्यो र उपाधी जित्यो ।

विश्व क्रिकेट काउन्सील (आईसीसी)ले एकदिवसीय विश्वकप क्रिकेटको पुरस्कार राशीका लागि मात्र १ करोड अमेरिकी डलर (झण्डै एक अर्ब १० करोड) रुपैयाँ छुट्याएको थियो ।

त्यसमध्ये विजेता इंङ्ल्याण्डले ४४ करोड रुपैयाँ जितेको हो । न्यूजील्याण्डले २ मिलियन डलर (झण्डै २२ करोड रुपैयाँ) प्राप्त गर्यो ।

सेमिफाइनलमा पुगेर घर फर्किएका अष्ट्रेलिया र भारतले भारतले ८ लाख डलर (झण्डै ८ करोड ८० लाख रुपैयाँ) जित्न सफल भए ।
एजेन्सी

Loading...

फेसबुकबाट तपाईको प्रतिक्रिया

सम्बन्धित समाचार