काठमाडौं । मंगलबार राती खण्डग्रास चन्द्रगहण लाग्दैछ । राति एक बजेर ४६ मिनेटबाट सुरु चन्द्रग्रहण तीन बजेर पन्ध्र मिनेटमा मध्य भई ४ बजेर ४५ मिनेटमा सकिनेछ ।
२ घण्टा ५९ मिनेटसम्म लाग्ने चन्द्रग्रहणका समयमा भोजन गर्नु हुँदैन भन्ने मान्यता छ । ज्योतिष विज्ञानका जानकारहरुका अनुसार ग्रहण लागेको समयमा मन्दिर जाने र पूजापाठ पनि गर्नु हुँदैन ।
बालक, बृद्धबृद्धा, औषधी सेवन गर्नुपर्ने बिरामी बाहेक अरुले खाना नखाने र नसुत्ने सल्लाह उनीहरु दिन्छन् । यसपटक कर्कट, तुला, कुम्भ र मिन राशीका लागि चन्द्रग्रहण उत्तम मानिएको छ । धनु र मकर राशीका व्यत्तिले भने चन्द्रग्रहण हेर्नु हुँदैन ।
