14-Nov-2019 | २८ कार्तिक २०७६, बिहीबार

टुंगिदै नेकपाको पार्टी एकता प्रक्रिया

३१ असार २०७६, मंगलवार ०   बिचार / प्रतिक्रिया


काठमाडौं । नेपाल कम्युनिस्ट पार्टी (नेकपा)को पार्टी एकता प्रक्रिया अब पुरा हुने भएको छ । मंगलबार अध्यक्षद्वय केपी शर्मा ओली र पुष्पकमल दाहाल (प्रचण्ड) बीचको छलफलले एकता प्रक्रियालाई निष्कर्षमा पुर्याएको नेकपा निकट नेताहरुले जानकारी दिएका छन् ।

उक्त बैठकमा महासचिव विष्णु पौडेल र गृहमन्त्री रामबहादुर थापा बादल पनि सहभागी थिए। नेकपाका उच्च नेतृत्वबीचको छलफलले एकता सम्बन्धी सम्पूर्ण विषय सकाएको र केही दिनमै बस्ने सचिवालय बैठकले औपचारिकता दिने नेकपा स्रोतको भनाई छ ।

सचिवालय बैठकले औपचारिक निर्णय गरेपछि एकता प्रक्रिया टुंगिने भएको छ । तत्कालीन नेकपा एमाले र माओवादी केन्द्रबीच ३ जेठ २०१५ मा एकता भएको थियो ।

त्यसो त कार्यगत एकता भने असोज २०७४ बाटै शुरु भएको थियो । नेकपामा केन्द्रीय सदस्यको कार्यविभाजन, जेष्ठ कम्युनिस्ट मञ्च, सल्लाहकार परिषद्, विशेष कमिटी, विभाग, आयोगजस्ता विषय अझै छिनोफानो हुन सकेका थिएनन् ।

पार्टीको एकताकै फलस्वरुप चुनावमा नेकपाले लोकप्रिय मत पायो । जसले गर्दा दुई तिहाई बहुमतसहितको सरकार निर्माण गरी संचालन गरिरहेको छ ।

फेसबुकबाट तपाईको प्रतिक्रिया

सम्बन्धित समाचार