जापानको क्योटोस्थित एउटा एनिमेशन स्टुडियोमा भएको आगलागिमा कम्तीमा २३ जनाको मृत्यु भएको र दर्जनौँ घाइते भएको स्थानीय संचार माध्यमहरुले जनाएका छन् ।
स्थानीय सञ्चारमाध्यमहरूले प्रहरीलाई उद्धृत गर्दै भनेका छन् – एक जना ४१ बर्शिय मानिस ‘क्योटो एनिमेशन को’ स्टुडियोमा प्रवेश गरेको र ति सन्धिग्द ब्यक्तीले नै आगो लगाईदिएका हुंन् । नाम नखुलाईएका ति सन्धिग्द ब्यक्तीलाई पक्राउ गरिएको र घाईते भएका कारण अस्पताल लगिएको छ । केही मानिसहरूको अवस्था अझै पनि अज्ञात छ।जापानी प्रधानमन्त्री शिन्जो आबेले उक्त घटनाप्रति खेद व्यक्त गर्दै त्यसको पीडा शब्दमा व्यक्त गर्न नसकिने बताएका छन्।
उनले मृतकहरूप्रति श्रद्धाञ्जलि व्यक्त गरेका छन्।

स्टुडियो भएको तीनतले भवनमा स्थानीय समयानुसार बिहान १०:३० बजे आगो लागेको थियो। प्रत्यक्षदर्शीहरूले आगो लागेपछि ठूलो विस्फोटनको आवाज सुनेको बताएको समाचार एजेन्सीहरुले जनाएका छन् ।
समाचार श्रोत : बि बि सि