केन्या । केन्या एथलेक्सिका विभिन्न विधामा एक सफल मुलुक हो । खासगरी दौडका विभिन्न इभेन्टमा यस मुलुकले ठूला प्रतियोगिताबाट थुप्रै पदक भित्राइसकेको छ ।

तर, खेलाडीहरु भने बेला बेला विवादमा तानिन्छन् । त्यो पनि डोपिङ टेस्ट प्रकरणमा । चर्चित धाविका सलोम बिवोट ८ वर्षको प्रतिबन्धमा परेकी छिने ।

डोपिङ टेस्टमा असफल भएपछि उनीमाथि प्रतिवन्ध लगाइएको हो । उनी दोस्रो पटकको परीक्षणमा पनि असफल भएकी हुन् ।

एथ्लेटिक्स इन्टीग्रिटी यूनिटका अनुसार ३६ वर्षीया यी धाविकाले साओ पाउलो अन्तर्राष्ट्रिय म्याराथनमा प्रतिबन्धित एनाबोलिक स्टेरायड सेवन गरर दौडिएकी थिइन् ।

यसअघि उनी २०१२ मा डोपिङ परीक्षणमा असफल भएकी थिइन् । त्यतिबेला भने उनीमाथि २ वर्षको प्रतिबन्ध लागेको थियो ।

२ वर्षको प्रतिबन्ध पछि एथ्लेटिक्स ट्रयाकमा उत्रीएकी उनी पुनः डोपिङ परीक्षणमा असफल भएपछि ८ वर्षको प्रतिबन्ध लागेको हो ।
एजेन्सी