विश्व

मानिसले चन्द्रमा माथि विजयी प्राप्त गरेको ५० वर्ष पुरा

मानिसले चन्द्रभुमीमा पाइला टेकेको ५० वर्ष पुगेको छ । २० जुलाई १९६९ मा अमेरिकी अन्तरिक्ष यात्री नील आर्मस्ट्रङले पहिलो पटक चन्द्रमामा मानव पाइला राख्ने कीर्तिमान कायम गरेका थिए ।

यो परिघटना मानव इतिहासकै सफलतम प्रयास मध्ये एक मानिन्छ । नासाको प्रयासमा पहिलो पटक चन्द्रमामा मानव पाइला पुगेपछि अन्तरिक्षबारे वैज्ञानिकहरुले गरेको लामो अनुसन्धानले सफलता हात पारेको थियो ।

त्यसकारण नासाले एपोलो ११ मिसनमा करिब ४ लाख मानिस प्रत्यक्ष, अप्रत्यक्ष रुपमा अभियानमा जोडिएको बताउने गर्छ ।

यस अभियानका दौरान अन्तरिक्षतर्फ जान यात्रुदेखि मिसन कन्ट्रोलर, ठेकेदार, इन्जिनियर, वैज्ञानिक, नर्स, डाक्टर, गणितज्ञजस्ता विषेज्ञेषले दिनरात नभनी काम गरेका थिए । नील आर्मस्ट्रङ र बज एल्ड्रिन गरी दुई यात्री यानमा थिए ।

बीबीसीले उल्लेख गरेअनुसार नील जब चन्द्रमामा उत्रिए, त्यसबेला उनी मात्र ३८ वर्षका थिए ।

एपोलो कुल ११ मिसनको दौरान ३३ जना अन्तरिक्ष यत्रीहरु अन्तरिक्षको परिक्रममा पुगेका थिए । उनीहरुमध्ये २७ जना चन्द्रमा तर्फ लागे भने २४ जना चन्द्र घेराको परिश्रमा गर्न लागे ।

एपोलो ११ मिसन १९६० मै शुरु भएपनि त्यसको ९ वर्षपछि मात्र सफलता हात परेको थियो ।

करोडौं मूल्य डलरको यस अभियानका लागि ३३ जना अन्तरिक्ष यात्रुलाई तालीम दिने र यस अभियानमा अभ्यस्त बनाउन लामो समय लागेको थियो ।

एजेन्सी